ఈ పుట అచ్చుదిద్దబడ్డది
రేకు: 0260-2 రామక్రియ సం: 09-056
పల్లవి:
ఇంతట నిట్టె విచ్చేసి యింతిఁ గూడితేఁ గనక
వంతుకు నిన్ను జాణదేవర వనవచ్చును
చ. 1:
తనలోనె తలపోసి తప్పక చూచేవేళ
వనితను దేవగన్య యనవచ్చును
పనివి నిన్నుఁ దలఁచి పాటలు వాడేవేళ
అనుగు గంధర్వకాంత యనవచ్చును
చ. 2:
చలపట్టి విరహాన జలకేళి సేయువేళ
అలివేణి నాగకన్య యనవచ్చును
చలువకుఁ జంద్రకాంత శిలపైఁ బొరలువేళ
అలరిన చంద్రకన్య యనవచ్చును
చ. 3:
శ్రీ వెంకటేశ నీవు చెలియఁ గూడినవేళ
ఆవటించి నిజలక్ష్మీ యనవచ్చును
వోవల నీ సోమ్ములలో వురమున మోచువేళ
దేవి యలమేలుమంగ దిష్ట మనవచ్చును