ఈ పుట అచ్చుదిద్దబడ్డది
రేకు: 0256-3 కాంబోది సం: 09-033
పల్లవి:
ఆయ నాయఁ బోయఁ బోయ నల్లనాఁడె నీ
చాయల సన్నల పొందు చాలువయ్యా
చ. 1:
వెన్నెలలు వేఁడెనుచు విసరించుకొనె నాపై
కన్నుల నవ్వులు చల్లి కాఁక రేఁచేవు
పన్ని వురిసిన యందుపై నుడుకు చల్లినట్లు
యెన్న మాతో మేకు సేసేవిఁక నేలయ్యా
చ. 2:
పాయము వేఁగని యిట్టె బడలివుండె నాపై
నీ యడ మాట మూట లేల యేత్తేవు
చాయల వేయిటి మీఁద జవ్వాది కొమ్ము రీతి
ఆయములు సోకించే వవునయ్యా
చ. 3:
సరసాలు వాఁడెనుచు సారెకు మొక్కె ననుచు
మురిపెము గోరేల మోపే వయ్యా
గరిమ శ్రీ వెంకటేశ కరుణించి మెచ్చినట్టు
కరఁగి కూడితి నన్నుఁ గత లేలయ్యా