ఈ పుట అచ్చుదిద్దబడ్డది
రేకు: 0297-5 కాంబోది సం: 09-281
పల్లవి:
ఇదియౌనె నీమాట యియ్యకొంటి నిఁకను
సుదతిరో మీ రిట్టె చుట్టములై వుండరే
చ. 1:
కమలాక్షుఁ డాతఁడు కలువకంటిని నేను
తమిఁ గూట మిద్దరికిఁ దగులు టెట్టే
జమళి నందుకొరకె చందసూర్యులకన్నుల
నమరివున్నాఁడు గదె అదివో రమణుఁడు
చ. 2:
బింబాధరుఁ డాతఁడు పికవాణిని నేను
యింబడర నిద్దరికి నేఁటిపొందులే
వంబులేక అందుకెపో వైపుగ మాధవుఁడనే
పంబిన పేరుధరించెఁ బక్కన నీవిభుఁడు
చ. 3:
తాను కౌస్తుభవక్షుఁడు తగు నే లతాంగిని
యీనెలవులఁ గూడితి మెటువంటిదే
పూని శ్రీవెంకటేశుఁడు పొసఁగె నీమేరలకె
కానవచ్చె నిన్నిటాను ఘనుఁడె నీమగఁడు