ఈ పుట అచ్చుదిద్దబడ్డది
రేకు: 0197-5 గౌళ సంపుటం: 07-577
పల్లవి:
ఆయము నీచేతనున్నదన్నిటికిని
పాయముపదను వచ్చెఁ బైకొనవయ్యా
చ.1:
అలిగినదానివలెనంటక వున్నది గాని
నిలువెల్లాఁ దమకమే నీమీఁదను
బలిమేపాటిసేసిన పైపైనున్నద్ చెలి
చెలులఁ జూపక నీవే చేయి చాఁచవయ్యా
చ.2:
యెనయనిదానివలె నెక్కడో చూచీఁ గాని
తనువెల్లనాసలే తగులమికి
చెనకితేఁ జాలుఁగాని చేతిలోనున్నది యింతి
పెనఁగదు పిలిచితేఁ బేరుకొనవయ్యా
చ.3:
సిగ్గువడ్డదానివలె శిరసు వంచీఁ గాని
అగ్గలికెల్లా నీసామ్మై ఆముకొన్నది
అగ్గమై శ్రీ వెంకటాధిప నిన్నుఁ గూడెను
యెగ్గులేదు మీలోన నిట్టే వుండవయ్యా