ఈ పుట అచ్చుదిద్దబడ్డది
రేకు: 0123-3 కేదారగౌళ సంపుటం: 07-135
పల్లవి:
ఓరుచుకోవే యెట్టయినా వువిద నీవు
నేరుపరి నీవిభుందు నేఁడే వచ్చీనీడకు
చ.1:
కలువల వేసితేలే కాముఁడు చుట్టము గాఁడా
వెలయు విరహులకు వెగటుగాక
చలివెన్నెల గాసితే చందురుఁడు పగవాఁడా
పాలయలుకలవారే పాగడరుగాక
చ.2:
కొసరుచుఁ బాడితేనే కోయిలగుండెబెదరా
అసు (స) దు విరహులు కాదందురుగాక
ముసరితేఁ దుమ్మిదమూఁకలు దయలేనివా
విసిగిన కాముకులె వినలేరుగాక
చ.3:
వనము సింగారించితే వసంతుఁడు క్రూరుఁడా
వొనరని విరహులకొంటదుగాక
యెనసి శ్రీ వెంకటేశుఁడేలె నిన్ను చిలుకలు
కినిసేవా పాంథులకు కేరడముగాక
