ఈ పుట అచ్చుదిద్దబడ్డది
రేకు: 0208-3 హిందోళవసంతం సంపుటం: 08-045
పల్లవి:
మనసెరిఁగినకల్ల మానుపరాదు
యెనలేనిదొరవు నీవేమిసేతువయ్యా
చ. 1:
దప్పిగొంటివని నీకు దయదలంచితిఁగాక
చిప్పిలి యేపనులో చేసితివంటినా
రెప్పలెత్తి చూచేవు రేసలువుట్టఁ దిట్టేవు
నెప్పున నామోము చూచి నీకేల కలఁగ
చ. 2:
కళలు నీమోముననే కానవచ్చీనంటిఁగాక
సొలసి నీరతులలో చొప్పులెత్తేనా
చలముల జంకించేవు సన్నలను సాదించేవు
నెలవై నాయిచ్చలకు నీకేల కలఁగ
చ. 3:
నేరుపరివౌదువని నిన్ను నేమెచ్చితిఁగాక
తారుకాణ సేసి మాట తగిలించేనా
యీరతి శ్రీవేంకటేశ యెనసితివిటునన్ను
నీరచనకు నవ్వితే నీకేల కలఁగ