ఈ పుట అచ్చుదిద్దబడ్డది
రేకు: 0205-3 గౌళ సంపుటం: 08-027
పల్లవి:
రాఁగా రాఁగా వలపులు రచ్చబడీని
చేఁగదేరి వున్నాడవు చెల్లు నీకునిపుడు
చ. 1:
వేసారవు నీవైతే విన్నపాలు వినుటకు
సేసేనంటే యెంతలేదు చెలియకును
యీసుద్దులకే వున్నారమిద్దరికి నడుమను
చేసినట్లు చేయవ చెల్లు నీకునన్నియు
చ. 2:
తనియవు నవ్వి నవ్వి దగ్గరిన వేడుకల
చెనకఁగ నెంతలేదు చెలియకును
ననుపుల వంకలొత్త నడుమ నేమున్నారము
చినికేవు తరితీపు చెల్లు నీకు నింకను
చ. 3:
విడువవు నీవిట్టె వెలఁది చెఱఁగు వట్టి
చిడిముడి పడదు యీచెలి యిందుకు
యెడయక శ్రీవేంకటేశ యిట్టె కూడితిరి
చెడదు మావూడిగము చెల్లు నీకునిపుడు