ఈ పుట అచ్చుదిద్దబడ్డది
రేకు: 0230-4 పాడి సంపుటం: 08-178
పల్లవి:
చూడ నిట్టున్నాఁడవు సోదించి చూచితేను
మాడకు వేగురిఁదెచ్చే మతకమెరఁగను
చ. 1:
తగిలి యెవ్వతెయైనాఁ దప్పక నిన్నుఁ జూచితే
జిగురంటినట్టేకాక చేరి పాసీనా
మగువ భ్రమయించును మగవాని నందురు
మగువల మించితివి మహిమలెరఁగను
చ. 2:
నీఁటుకత్తె యెవ్వతైనా నీతోను మాటాడితే
వేఁటమేకమౌఁగాక వేరె పాసీనా
మాఁటల పందిలివెట్టు మానిని యందురుగాని
మాఁటల గుళ్ళుగట్టి మము నింతసేసేవు
చ. 3:
పొలసితే నీ ముందరఁ బోరాక యెవ్వతైనా
వలలకు లోనేకాక వడిఁ దాసీనా
యిల లక్ష్మీ శ్రీవేంకటేశ నీ వురమెక్కెను
మలసి నా వురమెక్కి మన్నించు టెరఁగను