ఈ పుట అచ్చుదిద్దబడ్డది
రేకు: 0221-2 మధ్యమావతి సంపుటం: 08-122
పల్లవి:
ఇంకనేఁటి విచారాలు యెందాఁకారా
లంకెపాటు తమకాలు లావుసేసెఁ గదరా
చ. 1:
పట్టరాదు నీవయసు పాయరాదు నీపొందు
యెట్టననరాదు నిన్ను నేమి సేతురా
గుట్టువేఁచె మదనుఁడు గుమిగట్టెఁ గోరికలు
ఱట్టయితి నీచేఁతలాఱడికెక్కెఁ గదరా
చ. 2:
చెప్పరాదు నీమనసు చించరాదు నీవలపు
యెప్పుడ నేనొక్కజోడె యేమిసేతురా
చొప్పులెత్తె పువ్వుటమ్ము సోలినిండెఁ బులకలు
దప్పిగొంటి నీసుద్దుల తతి వచ్చెఁగదరా
చ. 3:
తుంచరాదు నీమదము దొబ్బరావు దినములు
యించుకంతె నాసిగ్గు యేమిసేతురా
కొంచక శ్రీవేంకటేశ కూడితివి నన్నునిట్టె
పంచల నీమన్ననలు పాటమాయ గదరా