ఈ పుట అచ్చుదిద్దబడ్డది
రేకు: 0058-3 పాడి సంపుటం: 06-099
పల్లవి:
తోడెనే పుండెరువ మందు నేరిచెనె
విడని తలంపు లివి వేఁగీనె తామును
చ. 1:
పతిఁ బాసి మేను తాపమైన నాయెఁగాక
యితవైన యూరుపుల కేమి మూడెనె
సతతమునా హృదయజలజములోఁ బాయని
యతని నంటియుఁ దాప మందెనె తామును
చ. 2:
కినిసి కోరికలు వేఁగినను వేఁగెఁగాక
తనివోని కన్ను లేల తమకించీనె
యెనలేని చూపులనె యెదుటఁ బ్రాణ విభునిఁ
గనుఁగొనుచు వగలఁ గందీనే తామును
చ. 3:
అరిది ముదములకు నక్కరయిన నాయెఁగాక
పరవశముల కేమి బాధ వచ్చేనె
దిరు వేంకటగిరి దేవుని కౌఁగిటఁ గూడి
బిరుసుగ మేను మఱపించీనె తామును