ఈ పుట అచ్చుదిద్దబడ్డది
రేకు: 0041-5 ఆహిరి సంపుటం: 06-176
పల్లవి:
వోవలఁబుచ్చే వూరకిటు
నీవలె సొలయఁగ నేరర నేను
చ. 1:
తీపులఁ బొదిగిన తేనెల యలుగుల
చూపు చల్లకువే సుదతి
ఏపున నీకిపు డెదురులు చూచిన
చూపుల నేమిటిఁ జూతుర నేను
చ. 2:
చంచలబరచి చక్కని వదనము
వంచి నవ్వకువే వనిత
నించిన కాన్కల నినుఁ గని వదనము
వంచి నవ్వ నిట్టు వలదా నేను
చ. 3:
తాలిమి హృదయము తల్లడ మంది
కాలు దొక్కకువే కలికి
జాలి వేంకటేశ్వర కౌఁగిట నిను
కాలు దాఁకె నేఁకటఁ బడ నేను