ఈ పుట అచ్చుదిద్దబడ్డది
రేకు: 0037-3 శుద్దవసంతం సంపుటం: 06-150
పల్లవి:
తాపంబుం గోపంబు తమకుందామే వేఁగు
పై పై నే వగపు లోపలి కెల్లా వేఁగు
చ. 1:
చెలియ దురిమిన తురుము శిరసునకుఁ గడువేఁగు
తలపోత శిరసు కరతలమునకు వేఁగు
కొలఁది మీఱిన యూర్పు కుచయుగములకు వేఁగు
బలువు కుచములు నాభిపయి కల్లవేఁగు
చ. 2:
మురిపంపు నడపు చెలిమొలనూలికిని వేఁగు
బిరుసైన మొలనూలు పిరుఁదునకు వేఁగు
అరిది జఘనము మందయానంబునకు వేఁగు
తరుణి గమనము పాదతలమునకు వేఁగు
చ. 3:
మృగనేత్రిప్రాణంబు మేని కింతకు వేఁగు
బుగులుకొను మైకాఁక పులకలకు వేఁగు
తగు వేంకటేశు కృప ధైర్యంబునకు వేఁగు
అగపడిన యీపొందు అలుకలకు వేఁగు