ఈ పుట అచ్చుదిద్దబడ్డది
రేకు: 0034-5 పాడి సంపుటం: 06-134
పల్లవి:
చింతచేఁ జిత్తంబు చిక్కువడిన ట్లాయ
కాంతక్రొవ్విరుల సింగారంపుఁ దురుము
చ. 1:
చెలినుదుట మరుఁడు వ్రాసిన వ్రాఁతవలె నాయ
సొలపునను జెదరుంగస్తూరి పట్టు
జలజ లోచన గుండె జల్లనిన యట్లా య
పులక జొంపముల మెఱుపుల చన్నుదోయి
చ. 2:
వనిత వలపుల జలధి వడి మునిఁగినట్లాయ
కొన మిగిలి జారు చెక్కుల చెమటలు
మనసి జాగ్నుల పొగలు మతి నెగసిన ట్లాయ
తనివోని నిట్టూర్పు తాపంబు గాలి
చ. 3:
కాంత పరిణత(తు)లు లెక్కలు వెట్టినట్లాయ
కంతు నునురేఖ లంగనమేనను
అంతరంగమున విభుఁడలముకొనిన ట్లాయ
సంతసపు వేంకటేశ్వరుపొందు చెలికి