ఈ పుట అచ్చుదిద్దబడ్డది
రేకు: 0032-7 శ్రీరాగం సంపుటం: 06-123
పల్లవి:
కౌఁగిట నిన్నుం గలయం గలవాఁడు విరహాన
వేఁగక యెట్లానుండు వినవే తరుణి
చ. 1:
చిత్తజానలముచేతఁ జిట్లె గందపుఁబూత
మెత్తని తనువుమిఁద మెఱయంగా
ఒత్తిలి యొకతెమింద నొరగి పలుకవు నీ
చిత్త మిప్పు డెందువోయెఁ జెప్పవే తరుణి!
చ. 2:
తొంగలి రెప్పలలోని తొలుకరి మెఱుఁగులు
చెంగలించి నలువంకఁ జెదరంగాను
బంగారు పతిమవంటి పడఁతి నీమైఁదీఁగ
ముంగిట వేయక యిట్టె ముయ్యవే తరుణి
చ. 3:
వీడినది మొలనూలు విరులు చెదరెం గొంత
వాడినది కెమ్మోవి వన్నెలై
కూడితివి చెలి నీవు కోనేటిరాయనిపొందు
ఈడఁ గొత్తలాయ నేఁటికే వోతరుణి!