ఈ పుట అచ్చుదిద్దబడ్డది
రేకు: 0059-1 సామంతం సంపుటం: 06-103
పల్లవి:
భ్రమయించే విట్టే పదిమారులు
నిమిష మేఁడాయె నీ చేత నాకు
చ. 1:
పాఁతమడుగుగడ్డఁ బడి యీఁతకాఁడవు
లోఁతు చొరకురా లోఁగేవు
మూఁతులే గిరువంగ మోము నొచ్చీనంత
బాఁతి మీఱఁ బకపక నవ్వకురా
చ. 2:
అలవిగాని మోహపు టాసకాఁడ నీ
వలుగకురా వెఱపయ్యీని
అలరి నీటఁ గొండలైనఁ దేలించేవు
లలనపైనె నీలా వింత వలెనా
చ. 3:
రచ్చరావికింద రంతులె చేసేవు
బచ్చనమాటల వసకాఁడ
రచ్చ చేసే వింక రాతి గుండె తోడ
వెచ్చపు సొలపుల వేంకట విభుఁడా