ఈ పుట ఆమోదించబడ్డది
రేకు: 0031-03 ముఖారిసం: 01-190 వైరాగ్య చింత
పల్లవి:ఎట్టు దరించీ నిదె యీజీవుఁడు
బట్టబయలుగాఁ బరచీ నొకటి
చ.1:చెడనిమట్టిలోఁ జేసినముద్దే
నడుమ ముంచుకొన్నది వొకటి
తడియనినీరై తడివొడమింపుచు
వడిసీని వేపుర వడితో నొకటి
చ.2:పాయనితనుదీపనములుగా నటు
చేయుచు మది వేఁచీ నొకటి
కాయపుచుట్టరికమ్ములు చేయుచు
రేయుఁబగలు విహరించీ నొకటి
చ.3:యిన్నియుఁదానే యేచి కపటములు
పన్నీ నిదె లోపల నొకటి
వెన్నెలచూపుల వేంకటేశ నిను
యెన్నికతోఁ గడు నెదిరీ నొకటి