పుట:తాలాంకనందినీపరిణయము (49-64పుటలు).pdf/8

౫౬

తాలాంకనందినీపరిణయము

⁠

త్పుటము దిటమెల్లవిడి యం తట నే నర్జునుఁడ ననుచుఁ దగఁ బలుకుటయున్.

⁠ 240

మ.⁠

మునుపే వాసవి రూపచిహ్నముల నాప్తుల్ జెప్పఁగా విన్నరీ తిని యమ్మౌనికి గాననయ్యెనని సందేహింపఁగా తథ్యమ య్యె నటంచు న్నునుసిగ్గుదొంతరలు నయ్యేణాక్షికిం దోడుగా జని యభ్యంతరసీమఁ జేరె తను సంజాతాహతస్వాంతయై.

⁠ 241

తే.⁠

అన్న యెడ రుక్మిణి సత్య లన్ని చిన్నె లెన్ని వెన్నునిచే మున్ను విన్నకతన కన్నె కన్నుల విలుకాని బన్నములను సన్నగిలనీక శిశిరముల్ గొన్ని బన్ని.

⁠ 242

చ.⁠

నరునకు భోజనోపకరణప్రముఖార్చన లాదరించి త త్పరిణయకార్యసంఘటన బంకజనాభుఁ డొనర్ప మేచకాం బరుఁ డిది విన్నచో సమయభంగ మొనర్చు నటంచు హస్తినా పురమునకుం బ్రయాణమయి పోయె నిజాగ్రజుతోడ గూడుకన్.

⁠ 243

సీ.⁠

తన మంత్రివరులతోడను సుభద్రార్జునో      ద్వహరహస్యములు యుక్తముగఁ దెలిపి కేవలహితసాత్యకీయుద్ధవాదులఁ      దగుకార్యముల జాగ్రతల నమర్చి నేర్పు మీఱఁగ రుక్మిణీ సత్యభామల      హిత శుభక్రమణసంగతి విధించి కవ్వడితో లగ్నకాలంబు కిదె వచ్చె      ద నటంచు నభయప్రదాన మొసఁగి

⁠

తే.⁠

జనని యెడ నుంచి సుముహూర్తసరణి నెంచి లలి సుభద్రార్జునులకు నలంకరించి హితపురోహితు లతికుతుకత ధరించ విధివిధాగతిఁ బెండ్లి గావించి మించి.

⁠ 244