పుట:చిత్రభారతము (చరికొండ ధర్మన).pdf/67

తే.⁠

భూరిమధుపానమునఁ జొక్కి పుష్పరేణు పటలి భూతిగఁ దాల్చి నేర్పరితనమున ఝంకృతులు శృంగనాదంబుజాడ గాఁగఁ దుమ్మెదలపిండు మించె సిద్ధులవిధమున.

⁠ 107

క.⁠

వెన్నెలతళుకును మించిన వెన్నెల బిసకాండములు ప్రవీణతతోడన్ గ్రొన్నెలఁ దగు రాయంచల గున్నలు జవరాండ్ర కిచ్చెఁ గోరికతోడన్.

⁠ 108

చ.⁠

మలయము నేలి పద్మినుల మంజులసౌరభ మెల్లఁ గ్రోలి పు వ్వులఁ గనుపట్టు మేలితనువు ల్ముద మందఁగ వ్రాలి కైతకం బులఁ బొడకట్టుధూళి దివి బోవఁగఁ ద్రోలి మృదుత్వశీలియై కలయఁ జరించెఁ జల్లనగుగాలి పదాను[1]పదన్మదాలియై.

⁠ 109

వ.⁠

ఇట్లు సమస్తమహీరుహంబులకు సంతసం బొసంగు వసంత సమయంబున ననంతధ్యానపరాయణుడై హృదయస్థిత నారాయణుండును నిర్మలప్రచారుండును నిర్వికారుండును నగు తుల్యుం డుగ్రతపంబుఁ సేయుచుండె నంత.

⁠ 110

సీ.⁠

చెలువైన చిల్కతేజీమీఁద నొసపరి              కెందమ్మిపక్కెరఁ బొందుపఱిచి క్రొత్తదాసనపుఱేకులు గీలుకొల్పిన              బిరుదైన దగులాల సరియొనర్చి కురువేరు నెరులచిక్కులు దిద్ది సవరించి              కట్టిన [2]సరివెలికట్లు వైచి నవకింశుకప్రసూనదళంబు సరి లేని              యరిగఁ బ్రియంబున నవధరించి

⁠

1. సరస్మదాలియై
2. వెలిసమకట్లు