పుట:చిత్రభారతము (చరికొండ ధర్మన).pdf/246

వ.⁠

అంత నర్జునుం డాత్మస్కంధావారంబునకు రక్షగాఁ దూర్పున ధృష్టకేతుని నాగ్నేయంబున విందానువిందు లను దక్షిణభాగంబున సుదక్షిణుని నైరృతిప్రదేశంబున నీలునిఁ బశ్చిమస్థలంబునఁ గేకయులను వాయవ్యంబున నంగాధీశ్వరుని నుత్తరంబున భగదత్తుని నైశాన్యంబున సింధుదేశాధీశ్వరుని వారిమధ్యంబునఁ బాంచాలరాజ మత్స్యవల్లభులను నియమించె నంతకుమున్న సుయో ధసునియోగంబునఁ బనులవారును సకలపదార్థంబులు వలయువారలకు నొసంగుచుండి రెల్లజనంబులు సంతోష భరితాంతఃకరణులై యుండిరని చెప్పుటయు.

⁠ 11

క.⁠

అనవుడు శుకయోగికి న ర్జునసూనుం డనియె నాకురుక్షేత్రముసం దనికై పాండవు లుండిన వనజాక్షుం డెవ్విధమున వచ్చె నచటికిన్.

⁠ 12

తే.⁠

అనుడు శుకయోగి యయ్యర్జునాత్మజాతు తోడ నిట్లనుఁ బాండుపుత్రులు శమంత పంచకంబున నుంట యాప్తచరు లెఱిఁగి విన్నవించిన నయ్యదువిభుఁడు నవ్వి.

⁠ 13

వ.⁠

కొలువుకూటంబున కేతెంచి బలభద్రసాత్యకిప్రముఖులం బిలిపించి వారలతో నిట్లనియె జతుర్ధనరక్షణార్థం బర్జును నకు సహాయులై యవంతీవిభులగు విందానువిందులును విదర్భాధిపతియగు రుక్మియు యవనపాండ్యాధీశ్వరులును గాంభోజపతియగు సుదక్షిణుండును జేదిపతియగు ధృష్ట కేతుండును గేకయమహీశు లేవురును బ్రాగ్జ్యోతిషాధికుం డగు భగదత్తుండును బాంచాలపతియగు ద్రుపదుండును

⁠