పుట:చంద్రభానుచరిత్రము (తరిగొప్పుల మల్లన).pdf/89

శ్రీరస్తు

చంద్రభానుచరిత్రము

చతుర్థాశ్వాసము

క.⁠

శ్రీధర శుభావతార , యాధారాధారదృగ్విహార సతమన శ్శోధన నయబోధన వి, ద్యాధనలక్ష్మీసహాయ దత్తాత్రేయా.

⁠ 1

వ.⁠

అవధరింపు మాసమయంబున.

⁠ 2

క.⁠

ఈరీతి సంచరించుచు, నారామవిహారకేవలాలసమతి యై యారామ యంతఁ జెంగట, మారుబిడారంబు లైనమావులదండన్.

⁠ 3

చ.⁠

చలువలు చల్లుగొజ్జఁగులసందులఁ దుమ్మెదఱెక్కసోఁకులన్ వలిపిరి వచ్చు తేనె లిరువంకల జో రనుచోట దట్టమై బలితపుఁదావు లీనువిరిపందిరిక్రిందటఁ గ్రమ్ము తెమ్మెరల్ తొలఁకెడు కప్రపుంజవికెలో వసియించినఁ దోడినెచ్చెలుల్.

⁠ 4

క.⁠

వినయమున ననునయించుచు, నెనరునఁ జేపట్టి కుముదినీకన్యకఁ దో డ్కొని యేగి కేళికావన, వినుతవిశేషములు [1]విన్నవించుచు వేడ్కన్.

⁠ 5

చ.⁠

చిలుకలకొల్కి చూచితివె చెంగట మ్రోయుచుఁ దేంట్లు చుట్టిరా సలపువునీరు గ్రమ్ముజలయంత్రపుఁగంబములందుఁ బైపయిం బొలయుచు వ్రాలుచు న్లికుచము ల్దగు నీవనలక్ష్మి గాజుచా లులియఁ బెమర్చు కేలఁ జెలువొందఁగ నమ్మనలాడుకైవడిన్.

⁠ 6

చ.⁠

కను లసమాత్రనిష్ఫలవికాసతృణాకృతు లిక్షువంశముల్ గనుపుల ముత్తె ముల్ గురియఁగాఁ దృణరాజములై ఫలోన్నతిం దనరిన పూగము ల్దమయుదారతకుం దగఁ బెక్కుముత్యము ల్చినికినరీతిఁ బొల్చుఁ గుహళీపతత్కళికాసహస్రముల్.

⁠ 7

చ.⁠

మరుఁ డనురౌతు రాచిలుక మావులకు న్వెఱ మానునట్లుగా నురవడిఁ దేఁటిక్రొంబొగలహోరును కెంజిగురాకుమావుల న్బిరుసులదిక్కుఁ జూపి నడపించినఁ ద్రొక్కుచు వచ్చి శంక లే కిరుగడ నిల్చి మంజురుతహేషలు మీఱ లతాంగి చూచితే.

⁠ 8

1. చ-ట-విన్నవించిరి