పుట:చంద్రభానుచరిత్రము (తరిగొప్పుల మల్లన).pdf/79

సీ.⁠

చికిలిచంద్రికవన్నెజీబులేఁగరకంచువలిపెదుప్పటి వల్లెవాటు వైచి రవసందిదండజీరల దోరవాఱినమెడ నిండఁ గస్తూరి మెదిచి మెత్తి కఠినవక్షోజసంఘట్టనాంకితభుజాంతరమునఁ దుమ్మెద తాళిఁ జేర్చి నవమాలికాప్రసూనకరంభితం బైనశిఖనిండఁ దాయెతుచేరుఁ జుట్టి వీట నెవ్వరిఁ గనుఁగొన్న వెకలిరీతి, నర్మసచివుని గనుగీఁటి నవ్వుకొనుచు నారజము మీఱఁ దత్పురాభ్యంతరమున, నల్లనల్లన చనుదెంచు నవసరమున.

⁠ 73

క.⁠

గంగన్ హిమగిరితటభా, గంగం బరిఫుల్లహల్లకామోదితసా రంగ న్విధురుచిరుచిరత, రంగం గనుతమి హృదంతరంబునఁ జెలఁగన్.

⁠ 74

శా.⁠

ప్రేంఖచ్చందనగంధగంధవహనిర్ణిద్రోచ్చలద్వీచికా ప్రేంఖాళీస్మితఫేనఖండములకుం బెన్నుద్ధులై పద్మభూ కంఖాణంబులు సంచలింపఁ దగుతద్గంగాస్రవంతీతటిన్ న్యుంఖావర్తకు గాలవాఖ్యమునిఁ గన్గొంటిం బ్రమోదంబునన్.

⁠ 75

క.⁠

కనుఁగొని యవహితమతి నై, వినయంబునఁ జాఁగి మ్రొక్కి వీక్షింప కతం డనుపమమనుపరనిశ్చల, మసస్కుఁడై యుండ వయసుమదమున నేనున్.

⁠ 76

చ.⁠

తొడిఁబడ మాయచేత నతిధూర్తనిశాచరవేషధారి నై యడరి ఘనాఘనౌఘనిబిడారవభైరవహుంకృతంబుతో నుడుపథముం గులాచలము లుర్వరయుం గకుబంతసీమలున్ జడనువడంగ నార్చుచుఁ బ్రచండగతిం గనుగ్రుడ్లు ద్రిప్పుచున్.

⁠ 77

శా.⁠

కుప్పింతుం దటమౌనికోటి వెఱవేఁకు ల్పూన ఘోరార్భటిన్ నొప్పింతుం దిగధీశకర్ణములు కన్నుం గ్రేవల న్నిప్పుకల్ రప్పింతు న్వినువీథిఁ గ్రాలుకొన శూలం బుద్ధతం ద్రిప్పుచున్ విప్పింతుం జనధైర్యసంపద పృథూజ్వేలాగ్రహగ్రంథినై.

⁠ 78

క.⁠

ఈగతిఁ [1]దను వెఱపింపం, గా గాలవమౌని యపుడ కన్నుఁ దెఱచి మా యాగౌరవాధిగతర, క్షోగాత్రుని నను నెఱింగి క్రోధాన్వితుఁ డై.

⁠ 79

[2]మహాస్రగ్ధర.⁠

అధరం బల్లాడఁగా బిట్టవుడుగఱచి సాహంక్రియామర్షభాషా బధిరాశాభాగుఁ డై భూభ్రమణపటునటద్ఫాలఘర్మంబు నిండన్ బధురస్వాంతంబుతో దృగ్వితతరుచి నభోవీథి రంజింపఁ జిత్తా త్యధికాటోపంబునం బంతము పలుకుచు దుర్ధర్షవేషంబు మీఱన్.

⁠ 80

1. చ-ట-కడు
2. ట-లో లేదు.