పుట:చంద్రభానుచరిత్రము (తరిగొప్పుల మల్లన).pdf/63

ఉ.⁠

కాయజుఁ డల్లిపూబొమిడికం బిడి గేదఁగిఱేకుబాఁకుదా రా యమరించి కల్వలజిరాపయి లేఁజిగురాకుచొక్కపుం జాయల జాళువాకమరు చాల బిగించి ద్విజాళి మ్రోల జే జే యన మందగంధవహశీతకరాదులు సందడింపఁగన్.

⁠ 156

ఉ.⁠

ఱెక్కలతేజి నెక్కి ననఱేకుమిటారపువంకి సూటిగాఁ చెక్కి బళీ యనం దరటుసేసి ఘడాఘడి రెండువీథులం జక్కఁగ నూఁకినం జెమట జాఱ నొకించుక వన్నె సోఁకినం ద్రొక్కినచోట్లు ద్రొక్కనిమరుం గని పల్మఱు మస్తరించుడున్.

⁠ 157

ఉ.⁠

తోడన నూఁకి మల్లెననతూపులఁ గూడఁగ నేసి మర్మముల్ గాఁడఁగ మొల్లపూగొఱకలం జుఱుకంటఁగ నించి తమ్మిపె న్గేడెము చాఁటుచేసి తొవనేజముకొల్దికిఁ గ్రుమ్మి దిక్కు ల ల్లాడఁగ జా పూసబళ మంది ఘనధ్వని మీఱ నార్చుచున్.

⁠ 158

ఉ.⁠

పూవిలుకాఁడు కీరహయము న్ముని నంటఁగఁ దోలి నిల్పి తాఁ బావడ లూఁది త్రొక్కి పరిపాటిగ ముందఱ సాఁగి నిక్కి ముం జేవడిఁ జూఁపి యాఘనునిచిత్తము లక్ష్యము చేసి వైచె గా త్రావళి నిర్దళన్మధుపరంపర నెత్తురు వోలెఁ గ్రమ్మఁగన్.

⁠ 159

క.⁠

మారుం డంతటఁ బోక స, దారుణగతి మించు మావితలిరాకుఁగఱా చూరిఁ గొని నఱకి పచ్చని, వారువముం డిగ్గి కదియ వచ్చి కడంకన్.

⁠ 160

క.⁠

పేరెంబువాఱి హల్లక, కోరకకుంతంబుఁ గేలఁ గొని భీషణహుం కారంబు మీఱ నదలిచి, క్రూరత నమ్మౌనిమది చుఱుక్కునఁ బొడువన్.

⁠ 161

గీ.⁠

అంబరాంచలభాగదృశ్యంబు లగుచుఁ దనరుతత్కాంతపృధుపయోధరము లపుడు లలితనవచంచలాలోకములఁ బెనంగి పొదలి యాహంసుఘనతమస్ఫురణ మడఁప.

⁠ 162

సీ.⁠

అడరి జాలైనఘర్మాంబుపూరంబుచే వదలఁజాలనిధృతి వదలిపోయె దట్టంబుగాఁ బర్వునిట్టూర్పుగాడ్పుచే నెడల నేరనిశీల మెగసిపోయెఁ బెనఁగొని యందంద యెనయుకంపంబుచే జనలేనిమౌగ్ధ్యంబు జాఱిపోయె వడిఁ బట్టు లేక వెల్వడుపులకాళిచే విడువ నోఁపనిలజ్జ [1]విడిచిపోయె

⁠

1. చ-ట-వీటిపోయె