పుట:చంద్రభానుచరిత్రము (తరిగొప్పుల మల్లన).pdf/26

⁠

ముల నిగిడి తుంపురుల్ చల్లు పూవునీటఁ దనరువలిగొండ లనఁ గేళిధరము లచట.

⁠ 80

ఉ.⁠

పచ్చనిరాజనంపుమడిపజ్జబలాకలు చుట్టు నుండఁగా నచ్చపుఁజెందొవ ల్వెలయు నాపురలక్ష్మికి భూతధాత్రి దా నచ్చులపేరిహస్తముల సంచుల ముత్తెము లుంచి యెత్తుక్రొం బచ్చలపళ్లెరంబునడుముం దగునారతిదీవెలో యనన్.

⁠ 81

సీ.⁠

తనసమీరణవృత్తి తథ్యంబు గావింప గణికావశీకారగరిమఁ బూని తనగంధవహరూఢి తథ్యంబు గావింప నలసయానప్రౌఢి నలవరించి తన గత్ప్రణత తథ్యంబు గావింప జనుల కామోదంబు సవదరించి తనపృషద్వాహాఖ్య తథ్యంబు గావింపఁ జలువ లంతంతకు సంతరించి తనమరున్నామకంబు తథ్యం బొనర్ప, నసమసాయక[1]సాయకాత్యంతతాంత విగ్రహులమీఁద నవపుష్పవృష్టి గురిసి, యాపురంబున మెలఁగు [2]మందానిలంబు.

⁠ 82

క.⁠

ఆనగర మేలు [3]దానవ, మానవతీకుచకురంగమదమకరీసం తానతిరోధానవిధా,మానితతరవారి శౌరి మహిమోన్నతుఁ డై.

⁠ 83

క.⁠

ఆవనమాలికిఁ బట్టపు, దేవేరులు గలరు మదవతీమణు లెనమం డ్రావెలఁదులలో మెఱుఁగుం, దీవెలవలెఁ దనరు రుక్మిణీసత్యలకున్.

⁠ 84

గీ.⁠

శౌరి మిక్కిలి చనవిచ్చి సంతరించు, సవతు లందఱు లోఁగి యిచ్చక మొనర్తు రందు రుక్మిణి గనియె ముకుందుకరుణఁ, జెఱకువిలుకాని సురలు జేజేలు పెట్ట.

⁠ 85

ఉ.⁠

[4]ఇక్కగ ముజ్జగంబు నుతియింపఁగ బంధులు గారవింపఁగాఁ జక్కనిముద్దులాని నెఱజాణని ఱెక్క మెఱుంగుఁబచ్చఱా పక్కెరతేజి నెక్కు [5]నవపంచశరుం గని భోజకన్య య మ్మక్క యనంగఁ జాలు విభవాతిశయంబున విఱ్ఱ[6]వీఁగుచున్.

⁠ 86

ఉ.⁠

ఆ చెలిఁ జూచిచూచి కడుపారఁగ ముద్దులపట్టిఁ గానఁగా నోఁచనియింతిజన్మము గనుంగొన [7]రత్త యటంచు సత్యభా మాచపలాయతాక్షి పలుమాఱును దాఁ దను దూఱుకొంచుఁ జిం తాచలచిత్త యై యదవద న్మదిఁ గుందుచు[8]నుండ నత్తఱిన్.

⁠ 87

1. (సంగరా)
2. ట-మందానిలుండు
3. క-దుర్మదమానవతీ
4. చ-ఇక్కరణిం జగంబు
5. ట-నజభవ్యతరు, చ-రతిభవ్యతరు
6. చ-ట-వీఁగఁగన్
7. ట-జింత
8. చ-నుండు నయ్యెడన్