పుట:చంద్రభానుచరిత్రము (తరిగొప్పుల మల్లన).pdf/13

శ్రీరస్తు

చంద్రభానుచరిత్రము^[1]

ప్రథమాశ్వాసము

గ్రంథావతారిక

శా.[2]⁠

శ్రీలీలావిభవాప్తి కాశ్రితజను ల్చింతింపఁగాఁ జేరుటే సౌలభ్యం బనుచు న్నిజాగమనసంజాతస్మృతిం బొల్చుభ తాలిం గోర్కు లొసంగి ప్రోచుటకు దత్తాత్రేయదివ్యాకృతిన్ శ్రీలాలిత్యము గన్ననిత్యకరుణాసింధున్ హరిం గొల్చెదన్.

⁠ 1

సీ.⁠

తొడవులఁ దనరూపు దోఁప సేవాసన్నకాంతాంతరమనీష [3]గప్పుకరణి జగదంబ గాన భూజనుల కవ్యయసౌఖ్యవిభవంబు లిమ్మని వేఁడుకరణి బలిబంధవేళ సంధిలు[4]ననంతాచంక్రమణభూరివిశ్రాంతి మడఁపుకరణి నన్యాబ్జములు మాని యమృతకరప్రకాశోన్నతాబ్జములు గైకొన్నకరణి నభినవదుకూలచేలాంకితాంకపాళి నంబుజోదరుపదపల్లవంబు లుంచి యెలమి సంవాహ మొనరించు కలిమి చెలువ చిరతరైశ్వర్యములు మాకుఁ [5]జేయుఁగాత.

⁠ 2

చ.⁠

కమలదళాక్షుభక్తుల కగాధభవార్ణవ మింతబంటి య న్రమణఁ గటిస్థలంబునఁ గరం బిడి రాముఁడె సర్వదైవతో త్తముఁ డని చాటుచుండెడివిధంబున దక్షిణపాణి నెత్తి ని త్యమును బ్రతాపముద్ర నటరారు సమీరకుమారుఁ గొల్చెదన్.

⁠ 3

మ.⁠

పరమప్రౌఢి నశేషవర్ణరచనాపారీణుఁ డౌ భర్త హృ త్సరణిం డాయుదు నేన యేన యనునోజన్ వర్ణసంధానభా

⁠

1. క-పరిషత్పుస్తకభాండాగారములోని 14 సంఖ్య గల తాళపత్రపుస్తకము.
   చ-రాజకీయప్రాచ్యలిఖితపుస్తకభాండాగారములోని 12-7-8 సంఖ్యగల పుస్తకము. (తాళ)
   ట-రాజకీయప్రాచ్యలిఖితపుస్తకభాండాగారములోని 14-4-4 సంఖ్య గలపుస్తకము. (కాగిత)

2. ఇది మొదలు 15వ పద్యముకడవఱకు క-ప్రతిలోఁ బత్రములు విఱిగిపోయినవి.
3. చ-గఱపుకరణి
4. చ-ననంతాధ్వసంక్రమణ భూరిశ్రాంతి కఱపుకరణి
5. చ-జేర్చుఁగాత