పుట:ఘటికాచలమాహాత్మ్యము (తెనాలి రామకృష్ణుడు).pdf/93

అవతారిక

11

⁠

డైన నిజధర్తతోడ నొయ్యనచరించు కాంతలకు మేటి భాగాంబికావధూటి.

⁠ 42

ఉ.⁠

కొంతనిగాదు బాలతొడుగుల్ మడుగుల్ సువర్ణముల్ దొంతిగ నుప్పుతోఁగలుగు తొమ్మిదియుంగొని యేటి కేటికీ వంతుగ నాపెచే మననివారలులేరు నిజంబుగాఁ దదా నీంతనమైనయట్టి ధరణీజనజాలములోన నెన్నఁగన్.

⁠ 43

క.⁠

ఆ భాగాంబాశచికిన్ శోభిల్లు విచిత్రరాయసుత్రామునకున్ శోభాఖని ఖండోజిమ హాభాగుఁడు [1]వొడమె నల జయంత స్ఫూర్తిన్.

⁠ 44

సీ.⁠

పుట్టినప్పుడె పూర్వపుణ్యశేషంబునఁ బుట్టించె బుధుల కద్భుతముదంబు అడుగుబెట్టిననాఁడె యతులతేజస్ఫూర్తి [2]నడుగువట్టించె ఖలాంధకార మమ్మమ్మ యనునాఁడె యాకారగరిమచే నమ్మమ్మ యనిపించె నఖిలజనుల పలుక నేర్చిన నాఁడె ప్రతిమలౌ వేల్పులఁ బలికించె నాత్మీయభక్తి మహిమ పలుకబట్టిననాఁడె రూపప్రభావ భావనమ్మున [3]కామినీపంఙ్తిచేత పలుకబట్టించె సజ్జనకులవిహారి రాధితమురారి ఖండోజిరాయశౌరి.

⁠ 45

చ.⁠

కలితగుణాభిరాము డగు ఖండొజిరాయని బాహుపీఠిపై బొలుచు ప్రతాపసిద్ధుఁడు విభుత్వవిభూతి నొనర్చు పారద చ్ఛలఘటికాపరంపరలచాడ్పునఁ దచ్చిరకీర్తిచంద్రికో జ్జ్వలబహిరంతరంబుల[4]న వర్తిలు నంబుజసంభవాండముల్.

⁠ 46

1. వొడమెన్ జయంతభాగ్యస్ఫూర్తిన్ - పూ.ము.
2. ఈ పాదార్ధము తాళపత్రమున లేదు.
3. సన్ముని - పూ. ము.
4. యి. తా.