పుట:ఘటికాచలమాహాత్మ్యము (తెనాలి రామకృష్ణుడు).pdf/197

తృతీయాశ్వాసము

117

గీ.⁠

వేగవతి యుత్తరపుదరి వెలయు హస్తి గిరి నజుని యజ్ఞవేదికాపరిసరమున దనరు పుణ్యకోటివిమానమున వసించు వరదుఁ డాత్మీయభక్తుల వరము లొసగు.

⁠ 44

క.⁠

ఇచ్చోటుల వసియింతురు సచ్చరితులు బుధులు సత్యసంధులు పెక్కం డ్రెచ్చో నేమూ ర్తి భయం బచ్చో నామూర్తిఁ గొలుతు రనుపమభక్తిన్.

⁠ 45

వ.⁠

విశ్లేషించి యీ ఘటికాచలంబు సకలజనప్రశంసనీయం బని వసి ష్ఠుండు బల్కుటయు నమ్మును లమ్మునీంద్రచంద్రుంబూజించి స్వామీ యిందు విషమప్రదేశంబున మేముండుట యెట్లు సిద్ధించు నుపాయం బుగల దేని యాన తిమ్మననుటయు వసిష్ఠుండు వారల కిట్లనియె.

⁠ 46

గీ.⁠

ఇమ్మహీధ్రమ్మునకు చుట్టు నెవ్వరేని సమతలంబుగఁ జేయంగఁ జాలిరేని యిందు మీరు సుఖంబున నుందు రనిన వారు శ్రీనరసింహునిఁ జేరి మ్రొక్కి.

⁠ 47

సీ.⁠

శిరములు కన్నులు [1]చెవులు కాళ్లు చేతు లసంఖ్యముల్ జెంది త్రిభువ నేశుఁడవై బ్రహ్మవై శక్రరూపివై యఖలదేవాకృతి నలరి తీవ రూపదీపితుఁడ వరూపుఁడ వఖలస్వ రూపుఁడ వీవ సంప్రాపకుఁడవు అసమాక్ష[2]ముఖ్యులు నీయాజ్ఞ దాటంగలే రితరు లెఱుంగుట కెంతవారు పాకశాసనముఖ్య దిక్పాలవరులు శాశ్వతైశ్వర్యులైరి నీ సాంద్రకృపను

⁠

1. చెవులు(చెక్కులు).
2. ముఖులు. పూ. ము. తా.