పుట:ఘటికాచలమాహాత్మ్యము (తెనాలి రామకృష్ణుడు).pdf/125

44

ఘటికాచలమాహాత్మ్యము

సీ.⁠

చేపట్టుచేసి [1]మ్రోల్చివరగల్గి చిగు రరఁటియాకుల దొన్నియల ఘటించి నారికేళ [2]ఫలాశనమ్ములు సవరించి యాకుల నభిఘార మాచ[3]రించి కఁకణ ఝణఝణత్కారముల్ విలసిల్ల ఘలుఘల్లురని [4]పదాంగదము లులియ బంగారు సరిగంచు రంగు [5]సుగ్గడితంపు తెలిదువ్వటము [6]ఫెళఫెళల నీన కదలు మెట్టెలకవ తాళగతుల మొరయ నెయ్యమునఁ గొంగఱతివలందియ్యఁ బదర కెంతయును దాల్మిమై రమాకాంతచెలువు నింపుచెలి వగమీఱ వడ్డింపుచుండ.

⁠ 16

సీ.⁠

తునియ కొండొకటితో పెనగొను కరమాన్న మొలిచిన పప్పు సద్యోఘృతంబు కారంపుకూరలు చారులు శాకము లంబళ్ళు పచ్చళ్ళు నానవాలు వరుగు లప్పడములు వడియముల్ తేనియ పాకముల్ [7]సిగరలు పాయసములు కలవంటకములు బజ్జులు పిండివంటలు చక్కెరజున్నురసాయనములు పాలు ఫలములు నెడనీళ్ళు పానకములు నూరుబిం డ్లూరుగాయలు తైరు శొంఠి [8]పాంసులవణమ్ము జంబీరఫలరసములు నించఁ దగు నీరుమో రారగించి లేచి.

⁠ 17

1. మ్రొల్చివర. తా. మేల్చివర. పూ. ము.
2. కలాపనమ్ములు. తా.
3. రింప. తా.
4. పదాంగములు నిలిపి. తా.
5. సుంగడితపు తా. నంగడితపు పూ.ము.
6. బెళబెళల.
7. శిఖిరలు. తా.
8. పాంసులవణాంశభంజల ఫలరసముల. తా. పాంసులవణశుభోజ్వల ఫలరసముల. పూ.