పుట:కాశీఖండము.pdf/226

చతుర్థాశ్వాసము

213

⁠

పెద్దకాలంబు ముత్యాలగద్దె యెక్కి వసుధఁ బాలించె నేకోష్ణవారణముగ.

⁠ 195

తే.⁠

శైశవంబున శాస్త్రంబుఁ జదువఁ వచ్చి గురునిప్రియభామ యని చేయుఁ బరమభక్తి యెవ్వతెకు నట్టితార పూర్ణేందువదన నాఁటనుండియుఁ గామించె నలినవైరి.

⁠ 196

మ.⁠

జడసుళ్లెంబును బట్టుదట్టియును రక్షాహాటకాలంకృతు ల్మెడహారంబులు చుట్టె వన్నియరుచుల్ లీలావిలాసంబు పెం పడరంజేయఁగ యామినీధవుఁడు విద్యాభ్యాసకాలంబున న్నిడువాల్గన్నులకుం బ్రమోద మొసఁగు న్నిత్యంబునుం దారకున్.

⁠ 197

సీ.⁠

ఆచార్యుప్రియభామ యని కొన్నిదివసంబు         లిచ్చగింపఁడు ఱెప్ప లెత్తిచూడ నుల్ల మువ్విళ్లూర నొకకొన్నిదినములు         వీక్షించుఁ జూడనివేళయందు నొకకొన్నితిథులు గర్భోక్తిచాతుర్యంబు         మెఱయ నేకాంతంబ మేలమాడు నొకకొన్నిఘస్రంబు లొక్కొక్కనెపమున         నంగాంగసంస్పర్శ మాచరించు

⁠

తే.⁠

నలచి పైఁబడు నొకకొన్నివాసరములు హృదయ మనురాగసంపద నిగురుగొలిపి కవయఁ దొడఁగినయది యాదిగాగ నునిచెఁ జందురుఁడు తార శుద్ధాంతసదనభూమి.

⁠ 198

తే.⁠

చదివె గురువొద్ద ధర్మశాస్త్రంబు తొలుతఁ బరమవిశ్వాసతాత్పర్యభక్తిగరిమఁ

⁠