పుట:కాశీఖండము.pdf/140

తృతీయాశ్వాసము

127

⁠

ధరలోకంబును నతిక్రమించి యప్సరోలోకంబునకుం బోవు నవసరంబున.

⁠ 141

చ.⁠

ఎదురుగ వచ్చె హేమరథ మెక్కి కృతాంతుఁడు సౌమ్యమూర్తియై పదురునిజాప్తకింకరులు పార్శ్వయుగంబున భక్తిఁ గొల్చి రా ముదిరనినాదముం జఱచి ముందటి చక్కటి దివ్యదుందుభుల్ మృదులగభీరనాదములు మిన్నులు ముట్టఁ జెలంగుచుండఁగన్.

⁠ 142

గీ.⁠

ఎదురుగా వచ్చి దక్షిణం బేలు రాజు ధర్మరాజు గరంబు సంతస మెలర్ప సాధు! సాధు! మహాబుద్దిబోధమహిత! మేలు మే! లని శివశర్మ మెచ్చి పొగడె.

⁠ 143

సీ.⁠

అభ్యసించితి వేద మాఱంగములతోడఁ         బరిచర్య చేసితి గురుజనులకు నాదిపురాణేతిహాసంబులును ధర్మ         శాస్త్రంబు సదివితి సారధిషణ సమబుద్ధిమై మహేశ్వరుఁ బుండరీకాక్షు         సేవించి తేకాంతశీలమునను గైవల్యకల్యాణఘంటాపథము లైన         తీర్థంబు లాడితి తిరిగి యేడు

⁠

గీ.⁠

ననఘ! నీ భాగ్యమునకు నియతియుఁ గలదె? చూడుమా! యెంతటిదియొ నీసుకృతగరిమ? భూసురోత్తమ? మాయంతలేసివారి చే నమస్కారములు గొనఁ జెల్లె నీకు.

⁠ 144