పుట:కామకళానిధి.pdf/36

ఆ.⁠

కూచిమారజాతిఁ గొమరొందు భీముండు రఘుకులేంద్రుఁడైన రామవిభుఁడు ప్రౌఢయశుఁ డొకండె పాంచాలపురుషుండు తపనతనయుఁ డాది దత్తజాతి.

⁠

ఆ.⁠

ఇపుడు పలికినట్టి యీ పురుషులకెల్ల లక్షణములఁ గన నలక్షితములు నైన మనుజులందు నభిహితలక్షణం బుల నెఱుంగవలయు ముదముతోడ.

⁠

సీ.⁠

అతిబలసంపన్నుఁ డభిమాని పృథుకాయుఁ                      డరుణనేత్రుఁడు క్రోధి యతులతేజుఁ డతివిశాలంబగు నాస్యంబు వక్షంబు                      గలవాఁడు వక్రోక్తి బలుకువాఁడు నార్ద్రదేహుఁడు నీతిశాలి గంభీరుండు                      బవిరిగడ్డమువాఁడు బల్లిదుండు సాహసాంకుఁడు దాత సత్యవాక్యరతుండు                      మేరుధీరుఁడు రాగమేదురుండు వళులు గలవాఁడు పొడవగు పాండుమేన రోమములు చాల గలవాఁడు రూఢిఁ జెందు భద్రపురుషుం డనంగ విభ్రమముతోడ విక్రమార్కుఁడు మొదలగు వీరవరులు.

⁠