80
కళాపూర్ణోదయము
నెఱపెఁబో ప్రభువు మన్నించినాఁ డని మీఁదు
పరికింప కీసొమ్ము పట్టు టెట్లు
పట్టెఁబో దొంగఁ దే ల్గుట్టిన ట్టివి డాఁచి
కొంచుఁ బోవక మెఱయించు టెట్లు
గీ. లేఁడు తగవరి యెందును మూడి చొచ్చి
వాత వెడలెడువాఁడె యెవ్వాఁడు నంచుఁ
బాపి తుంబురుఁడౌ యంచుఁ బండ్లు గొఱుకు
కొంచు లోలోన నుడికితిఁ గొంతతడవు. 85
క. నాకంటె దాను ఘనుఁడే
యాకొలఁదియు బయలుసేయునంతకు నేనే
పోకలఁ బోయినఁ బోని
మ్మీకరణిం జుణిఁగి పోవనిత్తునె వీనిన్.86
వ. అని యాగ్రహించుచు నతనితోడ నెందేనియు వాదు పెట్టు కొని భంగపఱచి యతులితం
బైనమదీయసం గీతచాతుర్యంబువార్తలు క్రమంబున నిజ్జగన్నాయకునకు వినంబడునట్టి
యుపాయంబు వెట్టెదంగాక యని యూహించి తదనంతరంబ.87
చ. తలఁగక యిప్పు డిట్లు సముదగ్రతఁ బేర్చినయీర్ష్య బుద్దిలో
పలన యడంచి మైత్రి గనుపట్టఁగ నింకను గొంత రాకపో
కలు ఘటియించి యే నతనిగానములో గుణదోషవర్తనల్
దెలియుట నీతి యాతెలివి లేకగునే జయ మంచు నెంచితిన్ 88