నెదురుగా విరిసరుల కింతి! యెంతటి ఱాఁగ
మల్లెమొగ్గలు మీఱె మరుని సెలగోల లన
నెల్లెడలఁ దనచాయ లెనయ నిదిగో లలన
బింబోష్ఠి! యేనె తగఁ బెంచితి [1]1రసాలమును
డంబైనయట్టి నీడల యీ రసాలమును
ఎంత దూరము చనియె నెందుకే యీ లేమ
కంతుపూజకు నన్నఁ గనకములె యీ [2]2లేమ!
వేడుకలు నించె నిట వెలఁది! నారంగములు
నాడగా గుంపులై యలరె సారంగములు
అవుర! బంగరుచాయ నలరె జంబీరములు
యువతి! నీ కుచము లెనయునె? వట్టిబీరములు
కురువిందగుత్తి గైకొను మేల జగడంబు?
పరికింపు దీనికిని ప్రతి యగునె పగడంబు?
చాలు నిఁక నన లనుచు సరసోక్తులను బెనుచు
బాళి మీఱఁగం జాల బాణనందన మ్రోల.