|
వేదాంతదేశికు వేడ్కతో భజియించి
వ్యాసవాల్మీకుల వరుసఁ బొగడి
చెలఁగి శతక్రతు శ్రీనివాసాభిఖ్య
తాతయాచార్యులఁ దలఁచి మదిని
|
|
గీ. |
వేదసంఘంబు మూర్తీభవించినట్టు
లఖలయాగంబు లొనరించి యవనియందుఁ
జెలువుమారు శతక్రతు శ్రీనివాస
తాతగురువర్యునకును వందన మొనర్తు.
| 3
|
క. |
సకలసభామధ్యంబులఁ
బ్రకటంబుగ విబుధు లెల్ల భళి యనఁదగు నా
సుకవుల సన్నుతిసేయుచుఁ
గుకవుల నిరసింతు మిగులఁ గుశలత మీరన్.
| 4
|
వ. |
అని యిష్టదేవతానమస్కారంబును సుకవిపురస్కారంబునుఁ
గుకవితిరస్కారంబునుఁ గావించి యేనొక్క ప్రబంధంబు రచి
యించెద నని తలంచుసమయంబున.
| 5
|
కృతిభర్త — విజయరాఘవనాయకుఁడు
సీ. |
శ్రీరాజగోపాలసేవామహిమచేత
నేరాజు ధరనెల్ల నేలుచుండుఁ
బరమతంబుల నెల్ల నిరసించి యేమేటి
వైష్ణవమతమె శాశ్వతముఁ జేసె
|
|