పుట:ఉషాపరిణయము (పసపులేటి రంగాజమ్మ).pdf/121

తృతీయాశ్వాసము

81

⁠

మదిరాక్షిముంగురుల్ చెదరిన వీక్షించి         పతి గోరులను దువ్వె బాగుమీర జలజాక్షినుదుటను జాఱిన తిలకంబు         రాణించఁగా దిద్దెఁ బ్రాణవిభుఁడు

⁠

గీ.⁠

మెలఁత యుపరతులను జాల నలసియున్న దొయ్యలిపదంబు లప్పుడు తొడల నుంచి నెయ్య మమరంగ నొత్తుచు నెనరుమీఱ నచ్యుతునిమన్మఁ డీలీల నాదరించె.

⁠ 39

వ.⁠

అంత.

⁠

చ.⁠

మనసిజకేళిఁ దాను పతి మక్కువమీఱఁగఁ గూడియుండుటల్ ఘనమగునట్టి మానికపుకంబమునన్ గనుపట్టుచుండఁగాఁ దనచెలువుండు వేఱె యొకతామరసాక్షినిఁ గూడెనంచు వే కనుఁగొనుచున్ బరాఙ్ముఖత గాంచెను ముగ్ధలుగారె మానినుల్.

⁠ 40

విప్రలంభశృంగారము

వ.⁠

అంత.

⁠

క.⁠

జవ్వని నేరము లేకనె యివ్వగ నలుగంగ హేతువేమీ? యనుచున్ నివ్వెఱగందుచు మదిలో నవ్వలిమోమయ్యె నప్పు డనిరుద్ధుండున్.

⁠ 41

క.⁠

ఇరువురు నీక్రియ నుండఁగ మరుఁ డప్పుడు చేరి మిగుల మమతలు హెచ్చన్ దురుసైన తుంటవింటను విరిగోల(ను) నేసి యార్చె వేగముగాఁగన్.

⁠ 42