మిసమిసమను బలువిసము సెకలకును
మెసవఁ గైకొనఁ గుత్తుక ధరియించితి
నొసల నెగఁగుశిఖియసమున మసురుమ
నోభవు మెత్తనిమే నిరియించితి
బలవగు పరశువు పరుషముఖంబునఁ
బరశుమహాసురవరు విదళించితి
జలధరపటలను చెలువము గిరికొను
సామజపతిదర్పం బెడలించితి
పార మెఱుంగక కవిసినమృత్యువు
పాల నలుగుచుఁ గపాలము సించితి
వారిమగంటిమి నెదురుజలంధరు
వాలుఁగొని కడిమి యుడుగక త్రుంచితి
వారినిధులు సరి నేకార్ణవమై
వోడియచూపిన వటమైతివి భళి
దారువిపినమునిచపలాక్షులచి
త్తములు గలంచుట కావట మైతివి
హరివాణీరమణులు నిన్నరయ న
హంకారము చూపిన మిన్నందితి
అరుణజటామండలమధ్యమున సు
రాపగ నెలకొనఁ గడుఁ జెన్నొందితి
బహుకాలము తప మొనరించిన ధన
పతి చెలికారము నుపకృతి చేసితి
మిహిపదమగు సొబగున గినిసినక్రతు
మృగమును బలుదెగకొని వడనేసితి
యాఱుమొగంబులఁ గనుపట్టిన విజ
