పుట:ఉద్భటారాధ్యచరిత్రము.pdf/382

150

ఉద్భటారాధ్యచరిత్రము

సీ.⁠

పుట్టె నే గురుభర్త భువనాద్భుతముగాఁగ         నాగేంద్రహారుమాననమువలన నుండె నే యాచార్యమండలేశ్వరుఁడు భూ         మండనంబగు ముదిగొండయందుఁ గట్ట నే దేశికాగ్రణిచేతఁ గంగణం         బలభేచరులదై న్య మపనయింపఁ గాంచె నేయారాధ్యపంచాననుం డన్య         మతవిభేదక్రియాచతురబుద్ధి

⁠

గీ.⁠

గరిమ నెలకొల్పె నేమయ్యగారి ఱేఁడు తరలకుండంగ ధర శైవధర్మవృత్తి యట్టి శ్రీయుద్భటస్వామి యరుగుదెంచె రాజకుంజరుఁడగు ముంజభోజుఁ గుఱిఁచి.

⁠ 123

మ.⁠

భసితోద్ధూళితదేహకాంతులు శరత్ప్రాలేయభానుప్రభం బరచేయన్ బహుశైవలక్షణములన్ భాసిల్లుట న్మూర్తిశాం తిసముల్లాసము వాఁ దలిర్చి యట ధాత్రీనాథునాస్థానరం గసమీపంబున నిల్చె నుద్భటుఁడు శ్రీకంఠాపరాకారుఁడై.

⁠ 124

క.⁠

చట్టలుఁ దా నురగ భువిం బుట్టినక్రియఁ దేజరిల్లుపుణ్యుని గురురా ట్పట్టాభిషిక్తుఁ గన్నుల పుట్టువునకు ఫలముగాఁగ భూపతి గాంచెన్.

⁠ 125