పుట:ఉద్భటారాధ్యచరిత్రము.pdf/359

126

ఉద్భటారాధ్యచరిత్రము

గీ.⁠

పూర్వభోగంబుఁ దలపోసి పొరయఁ డింత చావలము మౌనివరదృష్టసరణియంద నడుచుఁ, దక్కినతుచ్ఛంపునడక యందఁ డీశ్వరాసక్తుఁడగు ప్రమథేశ్వరుండు.

⁠ 22

క.⁠

శివరక్షకలిమి ధరణీ ధవుఁ డుగ్రతపంబు సేయఁ దత్తేజముచే రవిదీప్తి గుంటుపడియెన్ బవనంబులవీఁక సడలెఁ బ్రభచెడె నగ్నుల్.

⁠ 23

ఉ.⁠

చెంగనిభక్తిచేఁ గొదువసేయక ఘోరతపంబు సల్పురా జుం గరుణింపఁగాఁ దలఁచె సోముఁడు విశ్వవిభుండు కాశికా రంగమహానటుండు గుణరాజితుఁ డట్టిద కాదె చూడఁగా జంగమకల్పభూజము భుజంగమహారుఁడు కొల్చువారికిన్.

⁠ 24

సీ.⁠

చిఱుతవెన్నెలగాయు చిన్నిచుక్కల రాజు         తలవాఁకకును నావపొలువు నిలుప మెడకప్పుమించు గ్రమ్మినచేతిపై జింక         దూర్వాదళభ్రాంతిఁ దొంగలింపఁ బొడవైన తెలిమేనిపూతదావులఁ దావుఁ         దరలి ఫాలాక్షంబు దమకపడఁగఁ గటిసీమ ద్రిండుగా గట్టినచేలకుఁ         గాక యెక్కిన గిబ్బ కడలుద్రొక్కఁ

⁠

గీ.⁠

బాఁపసొమ్ములు నలుమోము పాఱుకాడ మూఁడుమోముల పెనుపోటుముట్టుఁ దాల్చి పూనికయుఁ గల్గి కనుపట్టె భూతభర్త పరమకారుణ్యమున మహీపాలుమ్రోల.

⁠ 25