పుట:ఉద్భటారాధ్యచరిత్రము.pdf/292

ద్వితీయాశ్వాసము

59

మ.⁠

పరభూపాలురదైన్యముం నిజబలప్రాచుర్యమున్ నిశ్చయిం చి రసామండలి ధాన్యముం ధనము లక్షీణంబు లై యున్కికిన్ బరితోషంబు వహించి మూలనగరిన్ భవ్యాత్ములం రక్షణ స్థిరులం జేసి మహీమహేంద్రుఁడు దలంచెన్ గాశికిం బోవఁగన్.

⁠ 27

ఆ.⁠

అమ్మహీధరుండు ప్రాణేశ్వరియుఁ దాను హారిశిల్పమైన యరద మెక్కి విశ్వనాథుపురికి విజయంబు చేసిరి పుత్త్రకాంక్ష హృదయ మాత్రపడఁగ.

⁠ 28

చ.⁠

శ్రవణవుటాభిరామమృదురావములన్ విలసిల్లి లోచనో త్సవకరమైన తేరు జలజాతవిరోచనతోడ నెక్కి భూ భువనవిభుండు వొల్చె మణిపుష్పక మెక్కి వినోదలీలలన్ దవిలి శచీపురందరులు ధారుణిపై విహరించుకైవడిన్.

⁠ 29

సీ.⁠

కమనీయకల్లోలకలితఘనాంభోధి         కడఁగి వేలాకాంతఁ గౌఁగిలించె బరిమళంబును శీతభావంబుఁ దలచూప         మందగంధవహంబు మలసె దిశల అతినిర్మలాకారుఁడై వలిమలఱేఁడు         చలువమించు దొలంకుచాయ లీనె గంధర్వభామినీగాంధర్వములఁ గూడి         సురవుష్పవృష్టియుఁ గురిసె మింట

⁠

గీ.⁠

వినుతవిలసనశిఖలచేఁ దనరె వహ్ని యవని సంపూర్ణసౌభాగ్య మావహించెఁ గాశికాభర్త గౌరీశుఁ గాలకంఠు నమ్మహీపతి సేవింప నరుగువేళ.

⁠ 30