పుట:ఉద్భటారాధ్యచరిత్రము.pdf/287

54

ఉద్భటారాధ్యచరిత్రము

గీ.⁠

నొసలి భసితంబు ముఖలక్ష్మి బసలుసేయ రసన తుదయందుఁ బంచాక్షరంబు గ్రాల [రాజసత]యును బ్రహ్మవర్చసము గలిగి యుద్భటుం డీశ్వరాకృతి నుర్వి నిల్చె.

⁠ 4

క.⁠

హరునాజ్ఞఁ జేసి ప్రమధులు వరవిప్రాకృతులు దాల్చి వర్ణక్రమముల్ పరితశ్రుతిముఖులై వ చ్చిరి ధర కగ్గురునిపజ్జ శిష్యత్వమునన్.

⁠ 5

సీ.⁠

పరమతంబులు వేరుపట్టినఁ దెరలించి         శైవాగమంబులు జాడవఱిచి ఇందుశేఖరుతత్త్వ మెఱుఁగక దైవతాం         తరలగ్ను లగువారి తెరువు లుడిపి యెందు శంకరుతీర్థ మెసఁగు నచ్చటి కేఁగి         మతిమంతులకు మహామహిమ దెలిపి శాంతుఁడై లోన విశ్వాసంబు గల్గిన         సచ్ఛిష్యునకు మంత్రసరణి చూపి

⁠

గీ.⁠

స్నానదానావిధులఁ బ్రసూనబాణ దమనునకుఁ దుష్టిగావించు ధన్యమతులఁ గలసి వర్తించి మఱిపెక్కుగతుల నవని బ్రబలి విహరించు నుద్భటారాధ్యవరుఁడు.

⁠ 6

క.⁠

పరుసము సోఁకిన లోహము వెరవారఁగ హేమ మైనవిధమున నా స ద్గురువరుని మహిమకతమున వరశుభసంపన్ను లైరి వసుధాజనముల్.

⁠ 7