పుట:ఆంధ్రకామందకము (జక్కరాజు వేంకటకవి).pdf/78

చ.⁠

కొలుచుకొటారులందు నృపకుంజరుఁ డెంతయు నాప్తు నిల్పి తాఁ గలయఁ గనుంగొనన్‌వలయు గల్గినయాయము కొద్ది వెచ్చముం దెలిసి యొనర్పఁగాఁదగు మదింపక యెందును భూమిభర్తకుం గొలుచుకొటారులే కదయకుంఠితజీవనహేతువుల్ మహిన్.

⁠ 60

చ.⁠

చెఱువులు గట్టుటల్ గృషులు సేయుట వాడల లెక్కచేయుటల్ కరులను బట్టుటల్ గనులు గైకొనుటల్ వనదుర్గసేతువుల్ పొరయుట బేరమాడుటయు భూస్థలి నిట్టివి యష్టవర్గ మౌ నరపతి వీనిఁ గూర్చుటకు నమ్మినవారలఁ బంపగాఁ దగున్.

⁠ 61

క.⁠

ఇలఱేఁ డీవ్యవహారము వలనం గడుఁబేదలైనవారలు ప్రబలం గల రా యా వ్యవహారం బుల వారల కడ్డపాటు వోఁ జేయఁదగున్.

⁠ 62

గీ.⁠

క్రంప గొట్టించి సేద్యముల్ గలుగఁజేసి పైరు దలకొనఁ గాపాడఁ బంచి ఫలము గలుగుచో దండయుక్తిని గాఁచియుండఁ జేయఁగాఁదగు నటులైన సిరులఁ జెందు.

⁠ 63

ఉ.⁠

వైరులచేత దొంగలగువారలచే నధికార్లచేత భూ మీరమణుండు లోభమున మించుటచేఁ జనవర్లచేత ని ద్ధారుణికిన్ భయంబులగు దా నిటు లైదువిధంబు లౌభయం బారసి వేళయందె ఫలమందుట మేలు త్రివర్గవృద్ధికై.

⁠ 64

క.⁠

బలసి యెదురొడ్డి గరువం బులు గల యధికారిజనులఁ బుండ్లునుబలెఁ దా నిలఱేఁడు చీల్చివేయఁగ వలయుం గడు ధూర్తు లైనవారలు వెఱవన్.

⁠ 65