పుట:ఆంధ్రకామందకము (జక్కరాజు వేంకటకవి).pdf/76

క.⁠

కులమును బ్రాఁతఱికము వి ద్యలును స్వభావంబు శూరతయును వయోవ స్థలు దెలిసి యాదరింపన్ వలయుఁ బతి మహాత్ములైన వారల నెల్లన్.

⁠ 48

క.⁠

మనసరులగు సత్కులజుల జనపతులు దిరస్కరింపఁ జన దెవ్వేళన్ ఘనముగఁ దిరస్కరించినఁ దను నొవ్వఁగఁ జూతు రొండె తను విడుతు రిలన్.

⁠ 49

క.⁠

ఇలఁ బేదలైన వారిం గొలఁదిగఁ గలవారి సాధుగుణయుతు లైనన్ బలియింపవలయు వారల బలిసినఁ బతి సిరుల మిగులఁ బ్రబలింతు రిలన్.

⁠ 50

క.⁠

కులము గుణంబును గలవా రల నీచుల సమత నడపరా దధిపతి కి య్యిలఁ దారతమ్య మెఱిఁగిన నలరుచుఁ బేదైనఁ గొలుతు రతనిన్ భృత్యుల్.

⁠ 51

క.⁠

గాజును మణిసమముగఁ గను రాజును బ్రజపట్టు లేనిరాజును గొలువుం దేజంబు లేనిరాజును రాజనుచుం గొలువ రండ్రు రసికులు ధాత్రిన్.

⁠ 52

చ.⁠

అనుపమలీలఁ గల్పతరువందును బోలె మహాత్ము లెల్ల నే జనపతిఁ జేరి సౌఖ్యమునఁ జాలఁగ మింతు రతండు సంపదన్ ఘనత వహించి సన్నుతులు గైకొనుచున్ బ్రతుకొందు నెట్టిచో నెనయుచు సజ్జనుండు భుజియించుటెకా సిరికిన్ ఫలం బిలన్.

⁠ 53