పుట:ఆంధ్రకామందకము (జక్కరాజు వేంకటకవి).pdf/60

భండారము

సీ.⁠

ఆదాయ మధికమై యల్పవ్యయముఁ గల్గి            సారె వెచ్చించినఁ దీఱిపోక ముత్తెముల్ రత్నముల్ మొదలుగాఁ గల్గిన            సకలవస్తువుల కాశ్రయము నగుచు నాప్తులై యుండెడి నధికారులును గల్గి           ధర్మంబుచే నూర్జితంబు నగుచు తరతరంబులనుండి తగ నూర్జితంబునై           పొగడొంది దేవతాపూజఁ జెంది

⁠

గీ.⁠

పరగు భండార మెందును బలముఁ బ్రోచు కొఱకు ధర్మార్థములను జేకూర్చుకొఱకుఁ గడవగారాని యాపదల్ గడచుకొఱకు రక్షణము సేయవలయును రాజవరుఁడు.

⁠ 106

బలము

సీ.⁠

మేటియై పెద్దలనాటి మూఁకలు గల్గి            బహువిధయోధులఁ బలసి వివిధ యుద్ధంబులకు నోర్చి యొనఁగూడి వశ్యమై            తనచేత నెపుడు జీతములు గాంచి వడిగల తనమునఁ గడుఁ బ్రసిద్ధి వహించి            యన్ని కైదువుల నే ర్పగ్గలించి పూజ గాంచిన గుఱ్ఱములు నేనుఁగులు గల్గి            బలమైన రాచవారలఁ జెలంగి

⁠

గీ.⁠

నేర్పరులు గల్గి పోటజ్జ నేర్చి యెట్టి పనులయందును మొనలందు బడలికలను జెంద కెయ్యడ భేదంబుఁ జెందకుండు బలము గలుగంగవలయు భూపతికి నెందు.

⁠ 107