పుట:ఆంధ్రకామందకము (జక్కరాజు వేంకటకవి).pdf/221

గీ.⁠

వసుధలో వీరి నభిమానివర్గ మండ్రు క్రమముతోడుత వీరిమార్గంబు లెఱిఁగి భేద మొందించవలయును బెంపుఁ జూపి నీతిమార్గం బెఱింగిననృపవరుండు.

⁠ 142

వ.⁠

భీతవర్గప్రకారంబు.

⁠ 143

సీ.⁠

పతితోడఁ గోపించి పగఁబెట్టుకొనువాఁడు             పిఱికిదనంబున బెగడువాఁడు పతిచేతఁ గోపింపఁబడియుండువాఁ డెందు             నతనిదాయాది యైనట్టివాఁడు తా నేరములు సేసి తలఁకుచుండెడివాఁడు             గడునల్గి ప్రియ మాడఁబడినవాఁడు వెలివేయఁగాఁ బడి వెతలఁ జెందినవాఁడు             గణుతింప భీతవర్గం బటండ్రు

⁠

గీ.⁠

వీరిమార్గంబు లెఱిఁగి వివేకి యగుచు మఱియు నందుకుఁ దగినట్టిమాట లాడి భేద మందించవలయును బెంపుఁ జూపి నీతిమార్గం బెఱింగిననృపవరుండు.

⁠ 144

వ.⁠

క్రుద్ధవర్గప్రకారము.

⁠ 145

సీ.⁠

ఇయ్యంగఁదగు నర్థ మియ్యక యెంతయుఁ            గాలంబు గడపఁగాఁ గడఁగునతఁడు నవమాన మొందిన యభిమాని యగువాఁడు            లేనినిందలకు లోనైనవాఁడుఁ

⁠