| క. |
తనబలములు మెలఁగుటకై
తనబడిపనివారిచేతఁ దరువులు బుట్టల్
ఘనమగు మొద్దులు శిలలున్
గనుపట్టకయుండ సమము గావింపఁదగున్.
| 91
|
| వ. |
అందు నుత్తమమధ్యమాధమభూములు వివరించెద.
| 92
|
ఉత్తమాదిభూభేదములు
| సీ. |
తనదుమూఁకలకు నెంతయు మెల్గఁగావచ్చి
వైరిమూఁకలకు రావైపుగాని
దేశ ముత్తమమగు దేశంబు మఱియును
బగఱకుఁ దన కొక్కభంగియైన
దేశంబు మధ్యమదేశమై చెలువొందు
వైరిమూఁకలకు రావచ్చియుండి
తనమూఁకకెల్ల నెంతయుఁ బోవఁగారాని
దేశంబె యధమప్రదేశ మటులఁ
|
|
| గీ. |
గనుక నుత్తమదేశంబె తనకు వలయు
నది దొరకకున్న మధ్యమమైన దైన
వలయు నదిగాక చెఱసాలవంటిదైన
యధమదేశంబు వలదు ధరాధిపతికి.
| 93
|
| వ. |
మఱియు నపజయసూచకప్రకారంబు లెట్లన్నను.
| 94
|
నిమిత్తజ్ఞానప్రకరణము - అపజయసూచకనిమిత్తములు
| సీ. |
గ్రహము సోఁకినలీలఁ గళవళ మొందుట
తెవులుచేఁ బీడలఁ దవులుటయును
గారణంబులు లేక కడుభీతి నొందుట
మంచును దుమ్మును ముంచుకొనుట
|
|
