| గీ. |
తొలుతఁ బనులకు వచ్చి యాప్తులును గ్రూరు
లగుచుఁ గుక్కలు గలిగినయట్టి వేఁట
కాండ్రు చుట్టును విడియింపఁగా వలయును
గ్రమము దప్పక నీతివిక్రమము మెఱయ.
| 79
|
రాజాభిరక్షణకై సైన్యావసానము
| ఆ. |
అధిపు నగరిచేరువందు నుండఁగఁదగు
నాప్తరక్షితంబు లగుచుఁ దనరి
పేరు గలిగినట్టి పెద్దయేనుంగులు
నధికజవము గల్గునశ్వములును.
| 80
|
| క. |
అంతఃపురపరిచారకు
లెంతయుఁ దమి విచ్చుఁగత్తు లేమఱక మహీ
కాంతుని గావఁగవలయును
సంతతమును జాలిరొప్పు సన్నహనమునన్.
| 81
|
| క. |
మేటియగు నాప్తుఁ డెక్కిన
పోటేనుఁగు జవము కలిమిఁ బొలిచిన హయముం
బాటించి నగరివాకిటి
చోటనె యెపు డుండవలయు జోక చెలంగన్.
| 82
|
| క. |
దళవాయి మున్నుగాఁగల
బలమం దొకకొంత యేరుపడి యత్నముతో
వెలుపటఁ జుట్టును దిరుగన్
వలయును రేలందుఁ గడు నవారితశక్తిన్.
| 83
|
| క. |
వేగము బలమును గలిగిన
వేగులవా రెల్లవేళ విమతులచర్యల్
బాగుగఁ దెలియుచుఁ దా మతి
వేగమె రాఁబోవవలయు విభునకుఁ దెలుపన్.
| 84
|
