నీ పదములె చాలు రామా

బంగారు పంజరం (1968) సినిమా కోసం దేవులపల్లి కృష్ణ శాస్త్రి రచించిన లలితగీతం.

పల్లవి :

నీ పదములె చాలు రామా !

నీ పద ధూళులే పదివేలు ||| నీ పదములె |||

చరణం 1 :

నీ పద మంటిన పాదుకలు - మ

మ్మదుకొని ఈ జగమేలు

నీ దయ గౌతమి గంగా - రామయ

నీ దాసులు మునుగంగా

నా బ్రతుకొక నావ

దానిని నడిపే తండ్రివి నీవు కావా ||| నీ పదములె |||

చరణం 2 :

కోవెల లోనికి రాలేను

నువు కోరిన కానుక తేలేను

నిను గానక నిమిషము మనలేను

నువు కనబడితే నిను కనలేను ||| నీ పదములె |||