రేకు: 0311-01 శుద్ధవసంతం సం: 04-061 శరణాగతి
| పల్లవి : |
ఱాలు దింటా మలిగండ్లాఱడి రాసిగా నేరేము
తేలుచు శ్రీహరి నీవే దిక్కౌటగాక
|
|
| చ. 1: |
ఆసలేల మానుఁ దన ఆఁకలి లో నుండఁగాను
బేసబెల్లి దేహముతోఁ బెరుగుఁగాక
గాసి బంధమేలఁమానుఁ గాముఁడు లో నుండఁగాను
వేసట సంసారమై వెన్నడించుఁగాక
|
|
| చ. 2: |
ధావతులేఁటికి మానుఁ దనుభోగాలుండఁగాను
మోవరాని చింతలతో ములుగుఁగాక
కావరములేల మాను కంతల మేనుండఁగాను
తోవ చేసుకొని వెళ్లఁదోయుచుండుఁగాక
|
|
| చ. 3: |
వొక్కచిత్తమేలయౌను వూర్పుగాలి విసరఁగా
చిక్కి గుణత్రయముచేఁ జెదరుఁగాక
నిక్కి శ్రీవేంకటపతి నీకు నేనే శరణంటి
గక్కన నీజీవమును గరుణింతుగాక
|
|
రేకు: 0311-02 మాళవిగౌళ సం: 04-062 విష్ణు కీర్తనం
| పల్లవి : |
పొందగు "నాత్మాపుత్రనామ “మను-
చందపువేదమె సరి నిలిపితివి
|
|
| చ. 1: |
పుత్రుఁడు మరుఁడట పుత్రుఁడు బ్రహ్మట నీ-
పుత్రపౌత్రులే భువినెల్లా
పుత్రకామేష్టిని బొడమితి దశరథ-
పుత్రుఁడవై యిది పొగడఁగ నరులు
|
|
| చ. 2: |
మనుమఁడు రుద్రుఁడు మనుమఁడు వశిష్టు
మనుమని మనుమలే మహి యెల్లా
మనుమఁడవై యదితిమాన్య గర్భమున
జననమందితివి జగమున కరుదు
|
|
| చ. 3: |
యిదె నీగోత్రం బీచరాచరం-
బెదుట మెరసె నిదె యిహమెల్లా
కదిసిటు శ్రీవేంకట గోత్రంబున
నుదయించి మెరసితో హరి నీవు
|
|
రేకు: 0311-03 శుద్ధవసంతం సం: 04-063 అధ్యాత్మ
| పల్లవి : |
ఏమి సేయువాఁ డ నివి విరసమొకటొకటి
తామసంబొకవంక తత్వమొకవంక
|
|
| చ. 1: |
యితరోపాయరాహిత్యుండు గాఁడేని
అతిశయంబగు మోక్ష మది యబ్బదు
సతతోద్యోగానుచరితుండు గాఁడేని
వితతసంసారసుఖవిధి నడవదు
|
|
| చ. 2: |
వివిధేంద్రియ విషయ విముఖుఁడు గాఁడేని
యివల వైష్ణవధర్మమిది యబ్బదు
అవిరళంబగు దేహానుపరణములేక
భవమాత్రమున సుకృతఫల మబ్బదు
|
|
| చ. 3: |
పరమానంద సంపన్నుండు గాఁడేని
చరమవిజ్ఞాన నిశ్చలుఁడు గాఁడు
యిరవయిన శ్రీవేంకటేశ యిటువలె నీవు
కరుణించకున్న దుర్గతులచే భ్రమసీ
|
|
రేకు: 0311-04 ముఖారి సం: 04-064 వైరాగ్య చింత
| పల్లవి : |
ఇన్నియుఁ జదువనేల యింతా వెదకనేల
కన్ను దెరచుటొకటి కనుమూయుటొకటే
|
|
| చ. 1: |
వలెననే దొకమాఁట వలదనే దొకమాఁట
సిలుగులీ రెంటికిని చిత్తమే గురి
వలెనంటే బంధము వలదంటే మోక్షము
తెలిసే విజ్ఞానులకు తెరువది యొకటే
|
|
| చ. 2: |
పుట్టెడిదొకటే పోయెడిదొకటే
తిట్టమై యీ రెంటికిని దేహమే గురి
పుట్టుట సంశయము పోవుట నిశ్చయము
వొట్టిన విజ్ఞానులకు నుపమిది యొకటే
|
|
| చ. 3: |
పరమమనేదొక్కటే ప్రపంచమొక్కటే
సిరులు నీ రెంటికిని జీవుఁడే గురి
యిరవై శ్రీవేంకటేశుఁ డిహపరములకర్త
శరణాగతులకెల్ల సతమితఁ డొకఁడే
|
|
రేకు: 0311-05 దేసాళం సం: 04-065 శరణాగతి
| పల్లవి : |
తక్కిన చదువులొల్ల తప్ప నొల్లా
చక్కఁగ శ్రీహరి నీశరణే చాలు
|
|
| చ. 1: |
మోపులు మోవఁగనొల్ల ములుగఁగ నేనొల్ల
తీపు నంజనొల్ల చేఁదు దినఁగనొల్ల
పాపపుణ్యాలవి యొల్ల భవమునఁ బుట్టనొల్ల
శ్రీపతినే నిరతము చింతించుటే చాలు
|
|
| చ. 2: |
వడిగాఁ బరువులొల్ల వగిరింపనేనొల్ల
వెడఁగుఁజీఁకటి యొల్ల వెలుఁగూనొల్ల
యిడుమల వేఁడనొల్ల యెక్కువ భోగములొల్ల
తడయక హరి నీదాస్యమే చాలు
|
|
| చ. 3: |
అట్టె పథ్యములోల్ల అవుషధము గొననొల్ల
మట్టులేని మణుఁగొల్ల మైల గానొల్ల
యిట్టె శ్రీవేంకటేశుఁ నిరవుగ సేవించి
చుట్టుకొన్న యానందసుఖమే చాలు
|
|
రేకు: 0311-06 రామక్రియ సం: 04-066 వైరాగ్య చింత
| పల్లవి : |
ముందే తొలగఁవలె మోసపోక సంగమెల్ల
కందువఁ బోయిననీళ్లు కట్ట గట్టవచ్చునా
|
|
| చ. 1: |
అనలముఁబొడగంటే నండనున్నమిడుతలు
పనిలేకున్నా నందుఁ బడకుండీనా
పొనిఁగి చెలులఁగంటే పురుషుల చూపులెల్లా -
ననిశము నందుమీఁద నంటఁబారకుండునా
|
|
| చ. 2: |
గాలపుటెఱ్ఱలఁగంటే కమ్మి నీటిలో మీలు
జాలి నాపసలఁ జిక్కి చావకుండీనా
అలరిబంగారుగంటే నందరిమనసులూను
పోలిమి నాపసఁ జిక్కి పుంగుడు గాకుండునా
|
|
| చ. 3: |
చేరి ముత్యపు ఁజిప్పల చినుకులునినిచితే
మేరతేటముత్యములై మించకుండీనా
ధారుణి శ్రీవేంకటేశుదాసులసంగతి నుంటే
పోరచి నే జీవులైనఁ బుణ్యులుగాకుందురా
|
|
