గువ్వలచెన్నశతకము/పద్యాలు18-29

⁠

స్వాంతప్రవృత్తిఁ గార్యా నంతరమున మిత్రలక్షణంబు మద్యోహో గాంతరమున బంధుత్వముఁ గొంతైనంతటన చూడు గువ్వలచెన్నా!

⁠ 18

⁠

పురుషుండు తటస్థించిన తరుణమునం దరుణిగునముఁ దరుణిదనంతన్‌ దొరికినఁ బురుషుని గుణమును గురుబుద్ధీ! తెలియవలయు గువ్వలచెన్నా!

⁠ 19

⁠

కలిమిఁగల నాఁడె మనుజుఁడు విలసనమగు కీర్తిచేత వెలయఁగ వలెరా! గలిమెంత యెల్లకాలము కులగిరులా కదల కుండ? గువ్వలచెన్నా!

⁠ 20

⁠

బుడ్డకు వెండ్రుకలున్నన్‌ గడ్డముకానట్ల కార్యకరణుల సభలన్‌ దొడ్డుగఁ జూతురె? తలపై గుడ్డలు బుట్టంత లున్న? గువ్వలచెన్నా!

⁠ 21

⁠

వనజజకులులును శూద్రులు ననియెడి భేదంబు లేక యందఱు నొకరీ తిని గొని యాచారాదుల గుణముల సరి నుంద్రుముందు గువ్వలచెన్నా!

⁠ 22

⁠

కలుఁద్రావి నంజుడుం దిను ఖలుసుతుఁడు వకీలె యైన ఘనమర్యాదల్‌ తెలియవు బ్రాహ్మణుఁడైనను కులపాంసనుఁ డనఁగఁదగును గువ్వలచెన్నా!

⁠ 23

⁠

వారిది వారిది ధనమొక కారణమున వచ్చిపడఁగఁ గన్నులుగన కె వ్వారినిఁ దిరస్కరించును గోరెఁడు ధర్మంబు లేక గువ్వలచెన్నా!

⁠ 24

⁠

ఇలుఁగలఁడె? పరివ్రాజకుఁ డెలమింగొనునెట్లు వేశ్య? యీనివిటునెడన్‌ గులకాంత విత్తమడుగునె? కొలఁదిఁ గలదె ఱంకులాడి గువ్వలచెన్నా!

⁠ 25

⁠

ధన మతిగఁ గల్గి యున్నను దనయలుఁ దనయులును గల్గి తనరుచునున్నన్‌ ఘనలోభియు నిఱుపేదయు గుణముల సరియగుదు రెన్న గువ్వలచెన్నా!

⁠ 26

⁠

చండాల కులుఁ డొసగిన తండులముల బ్రతికినట్టి ధాత్రీశకులుల్‌ నిండుతనం బెఱుఁగుదురే? కొండికలఁ జరింత్రు గాక గువ్వలచెన్నా!

⁠ 27

⁠

సిరిఁగలిగినంత బంధూ త్కరములలో నెవరురారు ద్రవ్యాసూయా పరతాశాపరులయి పదు గురు చూచి హసింతు రంచు గువ్వలచెన్నా!

⁠ 28

⁠

సంపద గలిగిన మనుజుని కొంపకు బంధువులు కుప్పకుప్పలుగాఁగన్‌ సొంపుగ వత్తురు పేదకుఁ గుంపటు లన నుంద్రువారె గువ్వలచెన్నా!

⁠ 29