ఏమి వలసిన నిచ్చు
ఏమి వలసిన నిచ్చు నెప్పుడైనను
ఏమరుక కొలచిన నితడే దైవము ||
ఘనముగా నిందరికి గన్నులిచ్చు గాళ్ళిచ్చు
పనిసేయ జేతులిచ్చు బలియుడై
తనుగొలువమని చిత్తము లిచ్చు గరుణించి
వొనర లోకానకెల్ల నొక్కడే దైవము ||
మచ్చిక తనుగొలువ మనసిచ్చు మాటలిచ్చు
కుచ్చితములేని కొడుకుల నిచ్చును
చొచ్చినచోటే చొచ్చి శుభమిచ్చు సుఖమిచ్చు
నిచ్చలు లోకానకెల్ల నిజమైన దైవము ||
పంతమాడి కొలచిన బ్రాణమిచ్చు ప్రాయమిచ్చు
యెంతటి పదవులైన నిట్టె యిచ్చు
వింతవింత విభవాల వేంకటేశుడిదే మా
యంతరంగమున నుండే అరచేతిదైవము||
Emi valasina niccu neppuDainanu
Emaruka kolacina nitaDE daivamu
GanamugA niMdariki gannuliccu gALLiccu
panisEya jEtuliccu baliyuDai
tanugoluvamani cittamu liccu garuNiMci
vonara lOkAnakella nokkaDE daivamu
maccika tanugoluva manasiccu mATaliccu
kuccitamulEni koDukula niccunu
coccinacOTE cocci SuBamiccu suKamiccu
niccalu lOkAnakella nijamaina daivamu
paMtamADi kolacina brANamiccu prAyamiccu
yeMtaTi padavulaina niTTe yiccu
viMtaviMta viBavAla vEMkaTESuDidE mA
yaMtaraMgamuna nuMDE aracEtidaivamu
బయటి లింకులు
మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |