ఏమియు జేయగవద్దు
ఏమియు జేయగవద్దు యింతలోనె మోక్షము
దీమపువిజ్ఞానమే దివ్వెత్తుఫలము ||
పాపచింత మదిలోన బారకుండా నిలిపితే
చేపట్టి దానములెల్లా జేసినంతఫలము
కోపానలములోన కోరికలు వేల్చితేనే
యేపున యజ్ఞాలు సేసి యేచినంతఫలము ||
కనకముపై యాస కాదని పోదొబ్బితేనే
తనకు వేవేలు ఘోరతపములఫలము
వనితలమోహములవల బడకుండితేనే
దినము గోటితీర్థాలు దిరిగినఫలము ||
శ్రీవేంకటేశ్వరు జేరి కొలుచుటే
ధావతిలేనియట్టితనజన్మఫలము
భావించి యాచార్యపాదపద్మమూలమే
సావదానమున సర్వశాస్త్రఫలము ||
Emiyu jEyagavaddu yiMtalOne mOkShamu
dImapuvij~jAnamE divvettuPalamu
pApaciMta madilOna bArakuMDA nilipitE
cEpaTTi dAnamulellA jEsinaMtaPalamu
kOpAnalamulOna kOrikalu vElcitEnE
yEpuna yaj~jAlu sEsi yEcinaMtaPalamu
kanakamupai yAsa kAdani pOdobbitEnE
tanaku vEvElu GOratapamulaPalamu
vanitalamOhamulavala baDakuMDitEnE
dinamu gOTitIrthAlu diriginaPalamu
SrIvEMkaTESvaru jEri kolucuTE
dhAvatilEniyaTTitanajanmaPalamu
BAviMci yAcAryapAdapadmamUlamE
sAvadAnamuna sarvaSAstraPalamu
బయటి లింకులు మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |